111 MİLYON DOLLARLIQ ALIŞ
2023-cü ilin 11 ayı ərzində (yanvar-noyabr) Azərbaycana 111 milyon 47 min dollar dəyərində 2 min 737 ədəd yalnız yalnız elektrik mühərriklə hərəkətə gətirilən nəqliyyat vasitələri (tam elektromobil) idxal olunub. Ötən ilin eyni dövrü ilə müqayisədə elektromobillərin idxalı say üzrə 2 min 328 ədəd və ya 6,7 dəfə, dəyər üzrə isə 96 milyon 722 min dollar və ya 7,7 dəfə artıb. 2022-ci ilin 11 ayı ərzində Azərbaycana 14 milyon 325 min dollar dəyərində 409 ədəd yalnız elektrik mühərriklə hərəkətə gətirilən nəqliyyat vasitələri idxal olunmuşdu.
Dövlət Gömrük Komitəsinin aylıq hesabatına istinadən xəbər verir.
2023-cü ilin 11 ayı ərzində Azərbaycana 332 milyon 367 min dollar dəyərində 12 min 749 ədəd daxili yanma mühərriklə yanaşı elektrik mühərriklə də hərəkətə gətirilən (hibrid) nəqliyyat vasitələri idxal olunub. Ötən ilin eyni dövründə Azərbaycana 134 milyon 603 min dollar dəyərində 10 min 483 ədəd elektrik mühərriklə də hərəkətə gətirilən nəqliyyat vasitələri idxal olunmuşdu. Beləliklə, hibrid vasitələrin idxalı say üzrə 2 min 266 ədəd və ya 21,6%, dəyər üzrə 197 milyon 764 min dollar və ya 2,5 dəfə artıb.
Xəbər verdiyimiz kimi, 2023-cü ilin yanvar-noyabr dövründə (11 ayda) Azərbaycana 1 milyard 522 milyon 373 min dollar dəyərində 88 min 738 ədəd nəqliyyat vasitəsi (avtomobil) idxal olunub. 2022-ci ilin yanvar-noyabr aylarında Azərbaycana 932 milyon 95 min dollar dəyərində 66 min 866 ədəd nəqliyyat vasitəsi idxal olunmuşdu. Azərbaycana 2023-cü ilin 11 ayında ötən ilin eyni dövrü ilə müqayisədə 21 min 872 ədəd və ya 32,7% daha çox avtomobil idxal edilib.
O cümlədən, 2023-cü ilin yanvar-noyabr dövründə 1 milyard 377 milyon 362 min dollar dəyərində 81 min 824 ədəd minik avtomobili idxal edilib.
Hibrid və tam elektrik avtomobillərin cəmi idxal dəyərinin cəmi avtomobil idxalında xüsusi çəkisi 29%-i keçib. Bu nisbət ötən ilin 11 ayının yekununda 16% idi.
Qeyd edək ki, Azərbaycanda yeni elektrik avtomobilləri üçün kredit şərtləri daha yumuşaqdır. Eyni zamanda, ölkəmizdə elektrik enerjisi doldurma məntəqələrinin sayı artdıqca elektrik avtomobillərinin də satışı artır. Elektrik avtomobilinə sahib olmaq günün trendlərindən birinə çevrilməkdədir.